რეგისტრაცია

სააპლიკაციო
ფორმა

4P - ჩვენ ვქმნით პერსპექტივას!

ჯეპრასა და თბილისის პიარ სკოლის ერთობლივი რადიო-პროექტი „კომერსანტის“ ეთერში

13 მაისიდან, ჯეპრა და თბილისის პიარ სკოლა რადიო „კომერსანტის“ ეთერით მსმენელს ახალ მედია–პროექტს - 4P სთავაზობს. ყოველკვირეული ანალიტიკური გადაცემა 4P ყოველ ოთხშაბათს 16 საათზე პირდაპირი ეთერით გადის. ის თანამედროვე ქართულ და უცხოურ ბიზნეს–სამყაროში მიმდინარე სიახლეებსა და ცვლილებებს ეხება. პროექტის მიზანს პიარის, მარკეტინგის, ბრენდინგის, ახალი პროდუქტების, მიმდინარე ივენთებისა და მარკეტინგული კომუნიკაციების სფეროში არსებული ვითარებისა და ტენდენციების მიმოხილვა წარმოადგენს.

გადაცემის ქრონომეტრაჟი 30 წუთს შეადგენს და ორი ბლოკისგან შედგება. პირველი ნაწილი ბიზნეს-სიახლეებს ეხება, მეორე ბლოკი – მოწვეულ სტუმართან საუბარს ეთმობა. 4P-ს სამიზნე სეგმენტს ბიზნესით დაკავებული ადამიანები და ზოგადად ბიზნესით დაინტერესებული ადამიანები წარმოადგენენ. გადაცემას თბილისის პიარ სკოლის ორი კურსდამთავრებული თიკო სამყურაშვილი და ნათია ნარმანია  უძღვებიან.

10 ივნ. '09 - ბიზნეს-პროცესების ოპტიმიზაცია რა მნიშვნელობა აქვს ბიზნეს – პროცესების მართვას კომპანიაში რას გულისხმობს ISO 9001 – ხარისხის მართვის სისტემა და რატომ არის იგი ყველაზე გავრცელებული სტანდარტი დღეს სტუმარი: მარკეტინგული კომუნიკაციების კომპანია „აი-ემ-ჯის“ პარტნიორი სალომე შელია » სხვა გადაცემები