ისტორიების შეთხზვა არა მხოლოდ მწერლებსა და სცენარისტებს უწევთ. მოხსენების ან პრეზენტაციის მომზადების დროს მარკეტოლოგები და პიარ-მენეჯერებიც ცდილობენ მხოლოდ მშრალი ციფრებისა და ფაქტების ჩამონათვალით არ შემოიფარგლონ. მაგრამ როგორ შეიძლება მოვყვეთ კომპანიის შესახებ საინტერესოდ, ან როგორ უნდა შეთხზათ ისტორია მისთვის? მოდური სიტყვა “სთორითელინგი” რობერტ მაკს არ მოუგონებია, მაგრამ სწორედ ის მიუდგა “ისტორიების მოყოლის” თემას სისტემურად და საკუთარ წიგნში შემოგვთავაზა ეგრეთ წოდებული დრამატურგიული სტრუქტურა: კარგი ისტორიის შექმნისთვის საჭიროა ავირჩიოთ მთავარი გმირი, მრავალი მოვლენიდან შევარჩიოთ ყველაზე მნიშვნელოვანი, დავიწყოთ დაბრკოლებათა გადალახვა, შევეჩეხოთ პრობლემას, ვეძებოთ კრიზისიდან გამოსვლის გზები, მოქმედებები, გადაწყვეტილებები და ბოლოს... სასურველი ფინალი.
ეს წიგნი სცენარისტთა ერთგვარი სახელმძღვანელოა, მაგრამ ყველა იმ ადამიანს დაეხმარება, ვისაც სურს მოყვეს საკუთარი კომპანიისა და ბიზნესის შესახებ საინტერესოდ და, რაც მთავარია, დამაჯერებლად.
წიგნს კომპანია “ჯეპრას” დამფუძნებელი სოსო გალუმაშვილი წარმოგიდგენთ.

>> სხვა წიგნები